Dərinin yaşlanmasına səbəb olan 6 faktor

loading...

İllərə meydan oxumanın və yaşlanma izlərini qəti olaraq yox etməyin çətin bir şey olduğunu bilirik. Ancaq illərə bağlı yaşlanmanın yanında zaman-zaman öz əllərimizlə də dərimizə zərər veririk.

Sıx spirt istehlakı, dəri təmizliyinin laqeydliyi, günəşin zərərli şüalarını görməməzlikdən gəlmə kimi bəzi vərdişlərimiz dərimizi olduğundan tez qocaldır.

Dərinizin uzun müddət gənc qalması üçün dərinizə zərər verən bu vərdişlərdən xilas olun!

Makiyajla yatmaq

Yatmazdan əvvəl makiyajımızı təmizləməmək dərimizə edəcəyimiz pisliklərin ən başında gəlir. Gün içində dəri üzərindəki məsamələrdə makiyaj və çirk qalıqları yığılaraq dəridə incə xəttlərin meydana gəlməsinə imkan verər. Bu səbəbdən hər gecə üzünüzü dəri tipinizə uyğun bir təmizləyici ilə nəmləndirin və ardından nəmləndirici tətbiq edin.

Qidalanma şəkli

Dərinizin erkən yaşlanmasını istəmirsinizsə, işə ilk olaraq qidalanma siyahınızı təşkil etməklə başlamalısınız.

Çox şəkər və qlisemik indeksi yüksək qidalar istehlak etmək kilo qəbulu ilə yanaşı dərinin erkən yaşlanmasına da səbəb olur. Şəkər və sadə karbohidratlar  insulin səviyyəsini sürətli  yüksəldərək bədəndə iltihab meydana gəlməsinə səbəb olar. Bədəndə yaranan iltihablar isə kolagenlərin zərər görməsinə, qırışıqlıqların artmasına və dəridə sallanmaların meydana gəlməsinə səbəb olar.

Günəşdən qorunmamaq

Günəşin zərərli şüalarından dərimizi qorumamız lazım olduğunu artıq hər kəs az-çox bilir. Günəşə bir neçə dəqiqə belə məruz qalsanız, dəridə pozulmalar meydana gələr və kolagenlər zərər görə bilər. Bu səbəbdən hava istər günəşli, istər buludlu olsun, çölə çıxarkən mütləq ən az 30 SPF günəş kremi sürtün.

Spirt

Spirt istehlakı bədəndəki su nisbətini azaldar və dərinizin elastikliyinin itirilməsinə səbəb olar. Dəridəki elastikliyin pozulması isə qırışıqlıqların çox tez meydana gəlməsinə zəmin hazırlayar.

Spirtin dərinizə verdiyi bir başqa zərər isə bədəndəki A vitamini səviyyəsini azaltmasıdır. A vitamini, dəridə kolagenlərin meydana gəlməsinə qatqı təmin edər. A vitamini azaldıqda bədəndə kolagen düşər və dəri çox tez qırışar.

Yuxu pozası

Yuxu pozasının dərinizdə yaranan incə xətlər və qırışıqlarla yaxından əlaqəsi olduğunu bilirdinizmi? Əgər yastıqda üz üstü yatırsınızsa, dərinizdə qırışıqlıqlar çox daha asan meydana gələ bilər. Yuxu əsnasında qırışıqların meydana gəlməsinin qarşısını almaq üçün ən yaxşı mövqelərdən biri kürək üstü ya da yan yatmaqdır.

Saqqız çeynəmək

Həddindən artıq saqqız çeynəmək, ağız və dodaq ətrafındakı qırışıqlıqların meydana gəlməsinə səbəb olar. Üstəlik dodaq quruluşundakı pozuqluqların meydana gəlməsinə də şərait yaradar.

loading...
Şərh yaz